C# on ІТ Дранік

Тэорыя гульняў: Minimax на C#

Mon, 05 Apr 2021 06:30:00 +0000

Прахалодны вечар сакавіка пагрузіў горад у звычайную цемру. Вулічны шум практычна сышоў на нішто. І толькі лёгкі вясновы дождж рытмічна стукаў у акно старэйшага распрацоўшчыка Васіля. Гукі дажджу прыемна супакойвалі, асабліва пасля нервовага працоўнага дня. Васіль мацней захінуўся ў цёплую коўдру. Сёння ён цвёрда вырашыў легчы спаць крыху раней, і здавалася, усё спрыяла яму ў гэтым пачынанні.

— Тук-тук, тук-тук. Нібыта барабаншчык! Ці не, як быццам хтосьці ў офісе стукае па клавіятуры. Цікава, калі яны зноў адкрыюцца?

Папулярныя алгарытмы кэшавання: LFU кэш

Sat, 28 Mar 2020 19:00:25 +0000

Прывітанне, паважаны чытач!

Сённяшні пост я б хацеў пачаць са стандартнага пытання на сумоўі: “Якімі дасягненнямі на працы ты асабліва ганарышся?” Гэтае пытанне можа здзівіць ці нават абразіць, бо сёння аказваецца недастаткова проста добра выконваць свае абавязкі, гэтым трэба абавязкова ганарыцца. Але не дай інтэрв’юеру цябе заспець знянацку. Калі памяшканне прасторнае, то ў гэты момант лепш нават ўстаць з крэсла, твой монаспектакль павінен запальваць агонь у вачах. Абгарнуў на днях метад у try / catch? Не саромейся - ты ўжо асцярог кампанію ад выключнай сітуацыі! Месяц таму выправіў чарговы баг? Гэта было не проста выпраўленне, гэта было выратаванне кампаніі ад патэнцыйнага банкруцтва! І тут галоўнае не перастарацца, бо інтэрв’юер хутчэй за ўсё таксама часта наведвае сумоўя, і ўжо не раз “ратаваў кампанію ад банкруцтва”. А лепш, вядома, загадзя падрыхтавацца да гэтага пытання.

Папулярныя алгарытмы кэшавання: LRU кэш

Sun, 22 Mar 2020 19:15:19 +0000

Прывітанне, паважаны чытач!

Тэхнічнае сумоўе - гэта працэс рашэння цікавых алгарытмічных задач, якія хутчэй за ўсё не спатрэбяцца ні табе, ні твайму інтэрв’юеру ў прафесійнай кар’еры, акрамя як на наступным тэхнічным сумоўі. І тым не менш такія задачы вельмі папулярныя на сумоўях, таму што дазваляюць ацаніць навыкі кандыдата ў пошуку абмежаванняў, прасачыць за яго працэсам абдумвання, а таксама замерыць хуткасць набору цыклаў for у нататніку. Адным з тыпаў папулярных задач з’яўляюцца задачы на рэалізацыю кэша.

Разбор матэматычных выразаў на C#. Такенізацыя

Sat, 29 Feb 2020 20:00:34 +0000

Навука пастаянна развіваецца, тэхналогіі імкліва ўрываюцца ў наша жыццё, з’яўляюцца новыя інструменты і магчымасці, нязменна толькі адно - пануры выраз твару твайго інтэрв’юера. І калі з чытаннем эмоцый інтэрв’юера мы разабраліся, то з чытаннем выразаў у нас усё яшчэ ёсць праблемы. Таму ў дадзеным пасце разбяром самую простую тэму ў кантэксце дадзенай задачы - разбіццё зыходнага радка на асобныя токены.

Як згадвалася ў папярэдніх пастах пра постфіксную натацыю і алгарытм сартавальнай станцыі, мы маем наступныя віды токенаў:

Разбор матэматычных выразаў на C#. Алгарытм сартавальнай станцыі

Sat, 22 Feb 2020 08:00:16 +0000

Зіма - самая халодная пара года, але нават яна не настолькі халодная, як рэакцыя інтэрв’юера на тваю рэалізацыю калькулятара для постфікснай натацыі. Тым не менш у нас няма часу на эмоцыі, таму прыступім да разбору алгарытму сартавальнай станцыі, згаданага ў папярэднім пасце.

Дадзены алгарытм прызначаны для пераўтварэння выразаў з інфікснай натацыі ў постфіксную. У дадзеным артыкуле не будзе прыводзіцца поўны доказ працы дадзенага алгарытму, а толькі дадзены частковыя тлумачэнні, каб зрабіць рэалізацыю больш інтуітыўна зразумелай.

Разбор матэматычных выразаў на C#. Постфіксная натацыя

Sat, 15 Feb 2020 08:00:01 +0000

Прывітанне, паважаны чытач!

Хто ж, як не мы, прапаленыя жыццём і маніторам распрацоўнікі, ведае які супярэчлівы, цяжкі і несправядлівы гэты свет тэхнічных сумоўяў! Хай твае рашэнні запускаюць касмічныя караблі, або твой сэрвіс утрымлівае мільёны запытаў, дасведчаны інтэрв’юер заўсёды выведзе цябе на чыстую ваду. Не можаш з ходу ўзгадаць розніцу паміж сартаваннем зліццём і ўстаўкамі, не ведаеш на памяць усе SOLID прынцыпы? О, сябар мой, у адрозненне ад цябе інтэрв’юер падрыхтаваўся сур’ёзней і яшчэ з раніцы паўтарыў гэтыя важныя тэмы. Твая некампетэнтнасць відавочна. Пераздача!